സ്വതന്ത്ര മലയാളം കമ്പ്യൂട്ടിങ്ങ്
എന്റെ കമ്പ്യൂട്ടറിനു് എന്റെ ഭാഷ
എന്താണു് ഭാഷാ കമ്പ്യൂട്ടിങ്ങ്?
- നിലവിലുള്ളതും വരുംകാലത്തുള്ളതുമായ അതാതു ഭാഷകളിലുള്ള വിവരങ്ങളുടെ ഡിജിറ്റല്‍ സംരക്ഷണം
- ഭാഷയിലെ വിവരങ്ങളെ സംസ്കരിച്ചെടുക്കാനുള്ള സാങ്കേതികതാവികസനം
- സ്വന്തം ഭാഷയില്‍ കമ്പ്യൂട്ടര്‍ ഉപയോഗിയ്ക്കാനും ആശയവിനിമയം ചെയ്യാനും പ്രാപ്തമാക്കുക
സ്വതന്ത്ര മലയാളം കമ്പ്യൂട്ടിങ്ങ്
സ്വതന്ത്ര സോഫ്റ്റ്‌വെയര്‍ അടിസ്ഥാനമാക്കി മലയാള ഭാഷയുടെ ഡിജിറ്റല്‍ ഭാവിയ്ക്കു്
വേണ്ടിയുള്ള സാങ്കേതികവിദ്യകള്‍ രൂപകല്പന ചെയ്യുന്ന സന്നദ്ധപ്രവര്‍ത്തകരുടെ കൂട്ടായ്മ..
- സംരംഭം തുടങ്ങിയതു് : 2001 ല്‍
- വെബ് സൈറ്റ് : http://smc.org.in
- സംരംഭ നിര്‍വ്വഹണം: http://savannah.gnu.org/projects/smc
- ചര്‍ച്ചകള്‍: smc-discuss@googlegroups.com
- IRC ചാനല്‍ : #smc-project @ irc.freenode.net
സംരംഭത്തിന്റെ ലക്ഷ്യങ്ങള്‍
- കമ്പ്യൂട്ടര്‍ ഉപയോഗിക്കാനുള്ള ഭാഷയുടെ കടമ്പകള്‍ ഇല്ലാതാക്കുക.
- സാങ്കേതികവിദ്യയുടെ നേട്ടങ്ങള്‍ സമൂഹത്തിന്റെ താഴേത്തട്ടുകളിലേയ്ക്കു് എത്തിയ്ക്കുക.
- സ്വതന്ത്ര സോഫ്റ്റ്‌വെയറുകള്‍ അടിസ്ഥാനമാക്കി ഭാഷാ കമ്പ്യൂട്ടിങ്ങിനു് വേണ്ട സാങ്കേതിക വിദ്യകള്‍ വികസിപ്പിയ്ക്കുക
- മലയാള ഭാഷയെ അതിന്റെ തനിമയും സൌന്ദര്യവും ചോരാതെ ഡിജിറ്റല്‍ യുഗത്തിലേയ്ക്കു് നയിയ്ക്കുക.
- ഭാഷാ സാങ്കേതികവിദ്യയില്‍ സ്വയംപര്യാപ്തത.
- ഭാഷാ സാങ്കേതികവിദഗ്ദ്ധരെ വരുംതലമുറയ്ക്കു വേണ്ടി വാര്‍‌ത്തെടുക്കുക.
സ്വതന്ത്രമലയാളം കമ്പ്യൂട്ടിങ്ങിനെക്കുറിച്ചു് ചില വസ്തുതകള്‍
- ഭാരതത്തിലെ ഏറ്റവും വലുതും സജീവവുമായ ഭാഷാ സാങ്കേതികപ്രവര്‍ത്തകരുടെ കൂട്ടായ്മ.
- 50 ലധികം സാങ്കേതികപ്രവര്‍ത്തകര്‍, മുന്നൂറോളം അംഗങ്ങള്‍
- സംരംഭങ്ങളുടെ വൈവിധ്യത്തിലും നിലവാരത്തിലും മുന്നിട്ടു നില്‍ക്കുന്നു.
- കുറഞ്ഞ സമയത്തിനുള്ളില്‍ വലിയ സംരംഭങ്ങള്‍ ചെയ്തുതീര്‍ക്കാനുള്ള അംഗങ്ങളുടെ
സാങ്കേതികവൈദഗ്ദ്ധ്യവും സമര്‍പ്പണബോധവും
- മറ്റു ഭാഷാ സാങ്കേതിക കൂട്ടായ്മകള്‍ക്കു മാതൃകയാവുകയും സാങ്കേതികവിദ്യ കൈമാറുകയും ചെയ്യുന്നു.
- വിട്ടുവീഴ്ചയില്ലാത്ത സ്വതന്ത്ര സോഫ്റ്റ്‌വെയര്‍ വികസനരീതി.
- ഗൂഗിള്‍ സമ്മര്‍ ഓഫ് കോഡ് 2007 നു് ഭാരതത്തില്‍ നിന്നും തിരഞ്ഞെടുക്കപ്പെട്ട ഏക കൂട്ടായ്മ.
- സാങ്കേതികവിദഗ്ദ്ധര്‍ മുതല്‍ കര്‍ഷകര്‍ വരെയുള്ള ജനകീയ പ്രാധിനിത്യം
എന്തുകൊണ്ടു് സ്വതന്ത്ര സോഫ്റ്റ്‌വെയര്‍?
- ജനാധിപത്യത്തിലും മാനവികതയിലും ഊന്നിയ സാങ്കേതികവിദ്യാ വികസന രീതി
- ജനകീയ പങ്കാളിത്തം
- തുറന്ന ചര്‍ച്ചകള്‍
- പങ്കുവെയ്ക്കലിന്റെയും സഹകരണത്തിന്റെയും സംസ്കാരം
- നിരന്തരമായ നവീകരണത്തിനും തിരുത്തലിനുമുള്ള സൗകര്യം, സ്വാതന്ത്ര്യം
- ഭാഷ അതു് ഉപയോഗിക്കുന്നവരുടെ കരങ്ങളില്‍ ഭദ്രം.
അതുകൊണ്ടുതന്നെ ഉന്നത നിലവാരത്തിലുള്ള സാങ്കേതികത്തികവു്
- സാങ്കേതിക വിദ്യയില്‍ സ്വയം പര്യാപ്തത
സംരംഭങ്ങള്‍
- പ്രാദേശികവത്കരണം Localization
- ലേഖനോപകരണങ്ങള്‍ Text Utilities
- അക്ഷരസഞ്ചയങ്ങള്‍ Fonts
- സംഭാഷണോപകരണങ്ങള്‍ Speech tools
- ഭാഷാപരിശീലനം Language Training and Education
- കല Artworks
പ്രാദേശികവത്കരണം
- ഗ്നോം മലയാളം
- ഡെബിയന്‍ മലയാളം
- ഫെഡോറ മലയാളം
- കെ.ഡി.ഇ. മലയാളം
- OLPC മലയാളം
- WWW-മലയാളം
ഡെബിയന്‍ മലയാളം
- ഡെബിയാന്‍ സ്വതന്ത്ര പ്രവര്‍ത്തകസംവിധാനത്തിന്റെ(Operating System) മലയാളവത്കരണം.
- ഈ പ്രവര്‍ത്തനസംവിധാനം ഇപ്പോള്‍ പൂര്‍ണ്ണമായും മലയാളത്തില്‍ ഇന്‍സ്റ്റാള്‍ ചെയ്യാം.
- സ്വതന്ത്ര മലയാളം കമ്പ്യൂട്ടിങ്ങിലെ "ഡെബിയന്‍ മലയാളം ടീം" ഈ ഉപസംരംഭം നയിക്കുന്നു.
- ഐടി@സ്കൂ‌ള്‍ ഗ്നു/ലിനക്സ് വിതരണം ഡെബിയന്‍ ഗ്നു/ലിനക്സ് അടിസ്ഥാനമാക്കിയുള്ളതാണു്.
- മലയാളത്തിനു പൂര്‍ണ്ണ പിന്തുണ ഇതില്‍ ലഭ്യമാണു്
ഫെഡോറ മലയാളം
- ഫെഡോറ സ്വതന്ത്ര പ്രവര്‍ത്തകസംവിധാനത്തിന്റെ(Operating System) മലയാളവത്കരണം.
- ഈ പ്രവര്‍ത്തകസംവിധാനത്തിന്റെ ഇന്‍സ്റ്റാളറായ "അനാക്കോണ്ട" മലയാളത്തില്‍ ലഭ്യമാണു്.
- മലയാളത്തിനു പൂര്‍ണ്ണ പിന്തുണ ഇതില്‍ ലഭ്യമാണു്
KDE മലയാളം
KDE മലയാളം
- സ്വതന്ത്ര പണിയിടമായ(Desktop) KDE യുടെ മലയാളവത്കരണം.
- സ്വതന്ത്ര മലയാളം കമ്പ്യൂട്ടിങ്ങിലെ "KDE മലയാളം ടീം" ന്റെ പ്രശസ്ത സംരംഭം.
കെ.ഡി.ഇ.മലയാളം വിജയഗാഥ
- KDE 4.0 വരെ മലയാളം പിന്തുണ ഉണ്ടായിരുന്നില്ല.
- KDE 4.1 ന്റെ പുറത്തിറങ്ങുന്നതിനു് ഒരു മാസം മുമ്പു് മലയാളത്തിന്റെ സ്ഥാനം:വെറും 2% പൂര്‍ത്തിയായി 75 മതു് .
- നാലാം പതിപ്പു് പുറത്തിറങ്ങുന്ന സമയത്തു് SMC 'കെ.ഡി.ഇ മലയാളം' ഉപസംരംഭം തുടങ്ങുന്നു.
- അംഗങ്ങള്‍: മാക്സിന്‍, പ്രവീണ്‍, അനി പീറ്റര്‍
- നാലാം പതിപ്പിന്റെ പ്രസാധനക്കുറിപ്പു് മലയാളത്തില്‍ ലഭ്യമാക്കിക്കൊണ്ടു്
ആഷിക് സലാഹുദ്ദീന്‍ സംരംഭത്തിലേയ്ക്കു് വരുന്നു.
സോഫ്റ്റ്‌വെയര്‍ ചരിത്രത്തിലാദ്യമായി ഒരു പ്രസാധനക്കുറിപ്പു് മലയാളത്തിലിറങ്ങുന്നു...!
- അടിസ്ഥാനഫയലുകളുടെ തര്‍ജ്ജമ പ്രവീണും മാക്സിനും തുടങ്ങുന്നു..
കെ.ഡി.ഇ.മലയാളം വിജയഗാഥ
- തീയ്യതി: ജൂലൈ 1. കെ.ഡി.ഇ മലയാളം: 2% മാത്രം
- ഔദ്യോഗിക പിന്തുണയ്കായി KDE 4.1 ന്റെ പ്രാദേശികവത്കരണം പൂര്‍ത്തിയാക്കേണ്ട അവസാനതീയ്യതി ജൂലൈ 13.
- ഔദ്യോഗിക പിന്തുണ വേണമെങ്കില്‍ kdedesktop 75% വും kdelibs 90% വും തീര്‍ക്കണം.. ഏകദേശം പതിനായിരത്തില്‍ പരം വാചകങ്ങള്‍
- ഔദ്യോഗിക പിന്തുണ ഈ പതിപ്പില്‍ തന്നെ ചേര്‍ത്തേ തീരൂ...! Call for Contributors
കെ.ഡി.ഇ.മലയാളം വിജയഗാഥ
പിന്നെയെല്ലാം പെട്ടെന്നായിരുന്നു :)
- ഒരു ദിവസം മെയിലിങ്ങ് ലിസ്റ്റിലെ ശരാശരി മെയിലുകള്‍ : 30
- ഒരൊറ്റ ദിവസം തന്നെ 5 പുതിയ അംഗങ്ങള്‍ പുതിയതായി വരുന്നു...
- KDE മലയാളം ടീം 3 ല്‍ നിന്നു് 30 ലേയ്ക്കു് ഒരാഴ്ചയ്ക്കുള്ളില്‍ വളരുന്നു...
- #smc-project ല്‍ തിരക്കുപിടിച്ച ചര്‍ച്ചകള്‍.... രാത്രി 3 മണിവരെ നീളുന്ന തര്‍ജ്ജമകള്‍
- kde.org ലെ മലയാളത്തിന്റെ ഗ്രാഫ് കുത്തനെ മുകളിലേയ്ക്കുയരുന്നു...
- ബംഗാളി, മറാത്തി ഭാഷകളെ പിന്‍തള്ളി മലയാളം പഞ്ചാബി, തമിഴ്, ഹിന്ദി , ഗുജറാത്തി എന്നിവയുടെ കൂടെയെത്തി
കെ.ഡി.ഇ.മലയാളം വിജയഗാഥ
ആരൊക്കെയാണു് പങ്കെടുക്കുന്നതു്?
- വിവിധ സ്ഥലങ്ങളില്‍ ജോലി ചെയ്യുന്ന ഐടി പ്രൊഫഷണലുകള്‍
- വിദ്യാര്‍ത്ഥികള്‍
- അദ്ധ്യാപകര്‍
- ഗവേഷകര്‍
- പത്രപ്രവര്‍ത്തകര്‍
- കര്‍ഷകര്‍
59 വയസ്സുള്ള ചന്ദ്രശേഖരന്‍ നായര്‍, 63 വയസ്സുള്ള ശങ്കരനാരായണന്‍ തുടങ്ങിയവര്‍...
സ്വതന്ത്ര സോഫ്റ്റ്‌വെയറില്‍ ഉപയോക്താക്കളും പ്രോഗ്രാമര്‍മാരും തമ്മിലുള്ള ദൂരം വളരെ കുറവാണു്...!
കെ.ഡി.ഇ.മലയാളം വിജയഗാഥ
- ജൂലൈ 10: രണ്ടു് ദിവസം കൂടി ബാക്കി.
- kdelibs 90% വും kdebase 75% വും പൂര്‍ത്തിയാക്കി മലയാളം 4.1 ല്‍ ഔദ്യോഗിക പിന്തുണയുള്ള ഭാഷകളിലൊന്നായി.
- ജൂലൈ 13 നു KDE പ്രാദേശികവത്കരണത്തിനു ഹര്‍ത്താല്‍ ആഹ്വാനം ചെയ്തു് വിശ്രമം:)
- ഔദ്യോഗിക പിന്തുണ എന്ന കടമ്പ കടന്നതോടെ ജൂലൈ 22 വരെ ബാക്കിയുള്ളവ പൂര്‍ത്തിയാക്കാന്‍ സമയം ലഭിയ്ക്കുന്നു.
- ജൂലെ 22 നു് മലയാളം 15% പൂര്‍ത്തിയായി 59 മതെത്തി.
- ജൂലെ 29 നു് KDE 4.1 പുറത്തിറങ്ങി. ആഷിക് തയ്യാറാക്കിയ മലയാളം പ്രസാധനക്കുറിപ്പോടുകൂടിത്തന്നെ.
www-മലയാളം
- gnu.org ലെ സ്വതന്ത്ര സോഫ്റ്റ്‌വെയര്‍ ആശയങ്ങള്‍ വിശദീകരിക്കുന്ന താളുകളുടെ മലയാള തര്‍ജ്ജമ
- ശ്യാം കാരനാട്ടാണു് ഈ സംരംഭത്തിന്റെ മേല്‍നോട്ടം നിര്‍വഹിക്കുന്നതു്
- സ്വതന്ത്ര സോഫ്റ്റ്‌വെയര്‍ ആശയം കൂടുതല്‍ ആളുകളിലേക്കെത്തിയ്ക്കുകയും പ്രചരിപ്പിക്കുകയുമാണു് ലക്ഷ്യം
ലേഖനോപകരണങ്ങള്‍
- ഇന്‍സ്ക്രിപ്റ്റ്
- സ്വനലേഖ
- മൊഴി
- ലളിത
- ഗ്നു ആസ്പെല്‍ , ഹണ്‍‌സ്പെല്‍ മലയാളം സ്പെല്‍ ചെക്കര്‍ സോഫ്റ്റ്‌വെയറുകള്‍
സ്വനലേഖ
- ലിപ്യന്തരണ വിദ്യയുപയോഗിച്ച് പ്രവര്‍ത്തിക്കുന്ന നിവേശക രീതി.(ഉദാ: തൊഴുക : thozhuka , സരിഗമപധനി: sarigamapadhani)
- എഴുതിക്കൊണ്ടിരിക്കുമ്പോള്‍ അക്ഷരത്തെറ്റൊഴിവാക്കാനുള്ള സൂചനകള്‍ ലഭ്യമാക്കുന്നു.
- യാതൊരു പരിശീലനവുമില്ലാതെ വളരെ വേഗം മലയാളം എഴുതാന്‍ സഹായപ്രദം.
- പ്രമുഖ ഗ്നു/ലിനക്സ് വിതരണങ്ങളില്‍ ലഭ്യമാണു്
- രചയിതാവു്: സന്തോഷ് തോട്ടിങ്ങല്‍, സ്വതന്ത്ര മലയാളം കമ്പ്യൂട്ടിങ്ങ്.
ലളിത
- ബോല്‍നാഗരി അടിസ്ഥാനമാക്കിയുള്ള കീബോര്‍ഡ് വിന്യാസം
- ഗ്നു ലിനക്സ് പ്രവര്‍ത്തകസംവിധാനത്തിന്റെ സഹജമായ നിവേശകരീതിയായ XKB ക്ക് വേണ്ടിയുള്ള ലളിതമായ ഒരു നിവേശക രീതി.
- ഹിന്ദിയിലെ പ്രശസ്തമായ ബോല്‍നാഗരി നിവേശകരീതി അടിസ്ഥാനമാക്കി വികസിപ്പിച്ചതു്.
- ഇന്‍സ്ക്രിപ്റ്റ് കീ വിന്യാസത്തിന്റെ ഒരു ലളിതവത്കരണം
- രചയിതാവു്: ജിനേഷ് കെ, സ്വതന്ത്ര മലയാളം കമ്പ്യൂട്ടിങ്ങ്.
- പ്രമുഖ ഗ്നു/ലിനക്സ് വിതരണങ്ങളില്‍ ലഭ്യമാണു്
- ഇത് സ്വതന്ത്ര മലയാളം കമ്പ്യൂട്ടിങ്ങിന്റെ ഗൂഗിള്‍ സമ്മര്‍ ഓഫ് കോഡ് പരിപാടിയുടെ ഭാഗമായി വികസിപ്പിച്ച സംരംഭം.
ഗ്നു ആസ്പെല്‍ , ഹണ്‍‌സ്പെല്‍ സ്പെല്ലിങ്ങ് ചെക്കര്‍
- 140000 മലയാളം വാക്കുകള്‍ അടങ്ങിയ മലയാള ലിപി വിന്യാസ പരിശോധകന്‍.
- അക്ഷരത്തെറ്റുകള്‍ കണ്ടുപിടിക്കുകയും അവയുടെ ശരിയായ മലയാളം വാക്കുകള്‍ നിര്‍ദ്ദേശിക്കുകയും ചെയ്യുന്നു.
- പ്രശസ്ത സ്വതന്ത്ര സ്പെല്ലിങ്ങ് ചെക്കറായ ഗ്നു ആസ്പെല്‍ അടിസ്ഥാനമാക്കി വികസിപ്പിച്ചതു്.
- പ്രമുഖ ഗ്നു/ലിനക്സ് വിതരണങ്ങളില്‍ ലഭ്യമാണു്
- രചയിതാവു്: സന്തോഷ് തോട്ടിങ്ങല്‍, സ്വതന്ത്ര മലയാളം കമ്പ്യൂട്ടിങ്ങ്.
അക്ഷരസഞ്ചയങ്ങള്‍ Fonts
- മീര, രചന, ദ്യുതി, അഞ്ജലിഓള്‍ഡ്‌ലിപി(ഗ്നു/ലിനക്സ്), സുറുമ, കല്യാണി, തുടങ്ങിയ
അക്ഷരസഞ്ചയങ്ങളുടെ പാക്കേജിങ്ങ്, പരിപാലനം...
- നിങ്ങള്‍ കണ്ടുകൊണ്ടിരിക്കുന്ന യൂണിക്കോഡ് തനതുലിപി അക്ഷരസഞ്ചയം - മീര
- എല്ലാ അക്ഷരസഞ്ചയങ്ങളും പ്രമുഖ ഗ്നു/ലിനക്സ് വിതരണങ്ങളില്‍ ലഭ്യമാണു്
- മാതൃഭൂമി, മംഗളം എന്നീ പത്രങ്ങളുടെ ഓണ്‍ലൈന്‍ എഡിഷന്‍ മീര ഫോണ്ടുപയോഗിയ്ക്കുന്നു.
സംഭാഷണോപകരണങ്ങള്‍
- ധ്വനി: മലയാളം വാക്യ-ഭാഷണ പരിവര്‍ത്തിനി Text to Speech converter
- ശാരിക: സ്വരസംവേദിനി
ധ്വനി
- ഭാരതീയ ഭാഷകള്‍ക്കു് വേണ്ടി രൂപകല്പന ചെയ്ത സ്വതന്ത്ര Text to Speech converter
- 2000 ത്തില്‍ സിമ്പ്യൂട്ടര്‍ സംരംഭത്തിന്റെ ഭാഗമായി വികസിപ്പിച്ചെടുത്തു.
- ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ്, ബാംഗ്ലൂരിലെ ഡോ: രമേഷ് ഹരിഹരന്‍ ആണു് ആദ്യ രചയിതാവു്
- 2006 ല്‍ സന്തോഷ് തോട്ടിങ്ങല്‍, സ്വതന്ത്ര മലയാളം കമ്പ്യൂട്ടിങ്ങ്, ധ്വനിയെ സ്വതന്ത്ര
പ്രവര്‍ത്തക സംവിധാനങ്ങളില്‍ പ്രവര്‍ത്തിക്കുന്ന രീതിയില്‍ പരിവര്‍ത്തനം ചെയ്തു. മലയാളം പിന്തുണ ചേര്‍ത്തു.
- മലയാളം കൂടാതെ ഹിന്ദി, കന്നഡ,ഒറിയ, ഗുജറാത്തി, ബംഗാളി, തെലുഗു, തമിഴ്, മറാത്തി, പഞ്ചാബി ഭാഷകള്‍ ധ്വനിയ്ക്കു് സംസാരിയ്ക്കാന്‍ കഴിയും.
- ഫോസ് ഇന്ത്യാ അവാര്‍ഡ് 2008 നേടിയ ഭാരതീയ സ്വതന്ത്ര സോഫ്റ്റ്‌വെയര്‍ സംരംഭം
Konqi-klogo.png
ശാരിക
- മനുഷ്യസംഭാഷണങ്ങളെ തിരിച്ചറിഞ്ഞു് വിവിധങ്ങളായ പ്രവര്‍ത്തികള്‍ ചെയ്യുന്നതിനായുള്ള ആദ്യ ഭാരതീയ ശ്രമം.
- ആദ്യ ഘട്ടത്തില്‍ തിരഞ്ഞെടുത്ത 50 ഓളം വാക്കുകള്‍ മനസ്സിലാക്കി
കമ്പ്യൂട്ടറിലെ ജാലകങ്ങള്‍, ഫയലുകള്‍ എന്നിവ കൈകാര്യം ചെയ്യാനുള്ള ശ്രമം
- സാങ്കേതിക വിദ്യയുടെ സങ്കീര്‍ണ്ണതകളേറെയുള്ള ഈ സംരംഭത്തിന്റെ വികസന പ്രക്രിയ 75% പൂര്‍ണ്ണമായി.
- സ്വതന്ത്ര മലയാളം കമ്പ്യൂട്ടിങ്ങ്, ഗൂഗിള്‍ സമ്മര്‍ ഓഫ് കോഡ് പരിപാടിയിലെ ഒരു സംരംഭം.
- ഇന്റര്‍നാഷണല്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ടെക്നോളജി, ബാംഗ്ളൂരില്‍ വച്ച് IEEE യുടെ നേതൃത്വത്തില്‍ നടന്ന സമ്മര്‍സ്കൂളില്‍ പരിശീലനം.
- വികസിപ്പിച്ച് കൊണ്ടിരിക്കുന്നതു്: ശ്യാം കാരനാട്ട്, എം ഇ എസ് കോളേജ് ഓഫ് എന്‍ജിനീയറിങ്ങ്, കുറ്റിപ്പുറം.
ഭാഷാപരിശീലനം
- ടക്സ് ടൈപ്പ് ടൈപ്പിങ്ങ് പഠന സഹായി : ഇന്‍സ്ക്രിപ്റ്റ് കീ വിന്യാസം
രസകരമായ കളികളിലൂടെ പരിശീലിയ്ക്കാനുള്ള സോഫ്റ്റ്‌വെയര്‍.
- വികസിപ്പിച്ചതു്: മോബിന്‍ എം , വിമല്‍ രവി, ശ്രേയസ് കെ , ശ്രീരഞ്ജ് ബി, പ്രിന്‍സ് കെ ആന്റണി.
- ഫോസ് ഇന്ത്യാ അവാര്‍ഡ് 2008 നേടിയ ഒരു ഭാരതീയ സ്വതന്ത്ര സോഫ്റ്റ്‌വെയര്‍ സംരംഭം
- സ്വതന്ത്ര മലയാളം കമ്പ്യൂട്ടിങ്ങ്, ഗൂഗിള്‍ സമ്മര്‍ ഓഫ് കോഡ് പരിപാടിയിലെ ഒരു സംരംഭം.
കല
കമ്പ്യൂട്ടറില്‍ മലയാള സംസ്കാരവും പാരമ്പര്യവുമനുസരിച്ചുള്ള രംഗവിധാനം,
ചിത്രങ്ങള്‍, പശ്ചാത്തലസജ്ജീകരണം എന്നിവയുടെ വികസനം
ഈ ഉപസംരംഭത്തിലെ ആദ്യത്തെ ഇനം: മലയാളം ഡിജിറ്റല്‍ മഴ
- ഹോളിവുഡ് സൂപ്പര്‍ഹിറ്റ് ചലച്ചിത്ര പരമ്പരയായ മെട്രിക്സ് അവതരിപ്പിച്ച ഡിജിറ്റല്‍ മഴയുടെ മലയാള ദൃശ്യാവിഷ്കാരം.
- സ്വതന്ത്ര പ്രവര്‍ത്തകസംവിധാനങ്ങളില്‍ സ്ക്രീന്‍ സേവറായി ഉപയോഗിക്കാവുന്നതു്.
- ഇരുണ്ട പശ്ചാത്തലത്തില്‍ വിവിധ തരത്തില്‍ പൊഴിയുന്ന മലയാളം അക്ഷരങ്ങള്‍...
- വികസിപ്പിച്ചതു്: സന്തോഷ് തോട്ടിങ്ങല്‍, സ്വതന്ത്ര മലയാളം കമ്പ്യൂട്ടിങ്ങ്.
കേരളത്തനിമ പ്രമേയമാക്കിയുള്ള ലോഗിന്‍ ജാലകങ്ങള്‍....
ഉപകരണങ്ങള്‍
പയ്യന്‍സ് യൂണിക്കോഡ് -ആസ്കി കണ്‍വെര്‍ട്ടര്‍
- ആസ്കി ഫോണ്ടുപയോഗിച്ചെഴുതിയ വിവരങ്ങളെ യൂണിക്കോഡിലേയ്ക്കാക്കുന്നു. കൂടാതെ തിരിച്ചും.
- മലയാളം വിക്കി ഗ്രന്ഥശാലയിലെ കേരളപാണിനീയം ഡിജിറ്റല്‍ രൂപത്തിലാക്കിയതു് ഈ സോഫ്റ്റ്‌വെയറാണു്
- മലയാളം വിക്കി ഗ്രന്ഥശാലയില്‍ അടുത്തു തന്നെ എത്താന്‍ പോകുന്ന
"ഇന്ദുലേഖ" നോവലും ഇതുകൊണ്ടാണു് യൂണീക്കോഡിലേക്കാക്കിയതു്.
- വികസിപ്പിച്ചതു്: നിഷാന്‍ നസീര്‍, മനു എസ്. മാധവ്, സന്തോഷ് തോട്ടിങ്ങല്‍, സ്വതന്ത്ര മലയാളം കമ്പ്യൂട്ടിങ്ങ്.
സോഫ്റ്റ്‌വെയറുകളുടെ പരിശോധന, പിഴവുതീര്‍ക്കല്‍
- സ്വതന്ത്ര സോഫ്റ്റ്‌വെയറുകളിലെ മലയാളം പിന്തുണ കുറ്റമറ്റതാക്കാന്‍
അവയെ വിതരണത്തിനു മുന്‍പു് പരിശോധിക്കുന്നു.
- പിഴവുകള്‍ ചൂണ്ടിക്കാണിയ്ക്കുകയും പാച്ചുകള്‍ കൊടുക്കുകയും ചെയ്യുന്നു.
- മലയാളം ചിത്രീകരണത്തിലെ പിഴവുകള്‍ ഇപ്രകാരം 100% തീര്‍ത്തുകഴിഞ്ഞു...
സോഫ്റ്റ്‌വെയര്‍ പാക്കേജിങ്ങ്
- ഫെഡോറ, ഡെബിയന്‍ തുടങ്ങിയ വിതരണങ്ങള്‍ക്കു വേണ്ടി സോഫ്റ്റ്‌വെയറുകള്‍ പാക്കേജ് ചെയ്യുന്നു.
- വിതരണങ്ങളുടെ കാലതാമസമൊഴിവാക്കാന്‍ സ്വന്തം സംഭരണികള്‍ ഉപയോഗിയ്ക്കുന്നു...
- -ഫെഡോറ, സെന്റ് ഓസ്, റെല്‍, ഡെബിയന്‍ എന്നിവയ്ക്കുള്ള SMC സംഭരണികള്‍ ഉണ്ടു്.
സംരംഭ നിര്‍വ്വഹണം
- ഗ്നു സാവന്ന ഉപയോഗിയ്ക്കുന്നു..
- എല്ലാ ഉപസംരംഭങ്ങളുടെയും സ്ഥിതി പ്രത്യേകം നിരീക്ഷിയ്ക്കുന്നു.
- ഓരോ പുതിയ സംരംഭ ആശയവും സാവന്നയില്‍ പ്രവര്‍ത്തകര്‍ക്കായി തുറന്നിടുന്നു...
- ചര്‍ച്ചകളെല്ലാം മെയിലിങ്ങ് ലിസ്റ്റിലും IRC ചാനലിലും നടക്കുന്നു.
- വിവരണങ്ങളും സഹായസൂചികകളും വിക്കിയില്‍ സൂക്ഷിക്കുന്നു..
- 101% സുതാര്യത, 201 % സ്വാതന്ത്ര്യം
നാഴികക്കല്ലുകള്‍
- ഡെബിയന്‍ ഗ്നു/ലിനക്സ് മലയാളത്തില്‍ ഇന്‍സ്റ്റാള്‍ ചെയ്യാനുള്ള പിന്തുണ കൂട്ടിച്ചേര്‍ത്തു..
- ധ്വനി ടെക്സ്റ്റ്-ടൂ-സ്വീച്ച് എഞ്ചിനില്‍ മലയാളം പിന്തുണ ചേര്‍ത്തു..
- ഗൂഗിള്‍ കോഡിന്റെ വേനലില്‍ പങ്കെടുക്കുന്നതിനായി തിരഞ്ഞെടുക്കപ്പെട്ടു..
- ഗ്നു അസ്പെല്‍ സ്പെല്‍ ചെക്കറില്‍ മലയാളം പിന്തുണ ചേര്‍ത്തു..
- സ്വനലേഖ എന്ന ശബ്ദാത്മക നിവേശകരീതി കൂടി സ്കിമ്മില്‍ കൂട്ടിച്ചേര്‍ത്തു..
- ലളിത എന്ന ശബ്ദാത്മക നിവേശകരീതി കീബോര്‍ഡ് വിന്യാസം ചേര്‍ത്തു..
നാഴികക്കല്ലുകള്‍
- ടക്സ് ടൈപ്പില്‍ പാംഗോ പിന്തുണ ചേര്‍ത്തു - ഇപ്പോള്‍ ടക്സ് ടൈപ്പ് എല്ലാ ഇന്ത്യന്‍ ഭാഷകളിലും ഉപയോഗിയ്ക്കാന്‍ പറ്റും..
- മലയാളത്തില്‍ ഡിജിറ്റല്‍ മഴ - പ്രശസ്തമായ മെട്രിക്സ് സിനിമയെ ആധാരമാക്കിയുള്ള സ്ക്രീന്‍സേവര്‍ മലയാളത്തില്‍ ലഭ്യമാക്കി.
- ഗ്നോം മലയാളം - ഗ്നോം പണിയിടം(2.20) ഔദ്യോഗികമായി പിന്തുണയ്ക്കുന്ന ഭാഷയായി മലയാളം സ്വീകരിയ്ക്കപ്പെട്ടു..
- 2007 സപ്റ്റംബര്‍ 15നു് തൃശ്ശൂരില്‍ വെച്ചു് നടന്ന സോഫ്റ്റ്‌വെയര്‍ സ്വാതന്ത്ര്യദിനാഘോഷം മാധ്യമശ്രദ്ധ പിടിച്ചു പറ്റി..
- മീര മലയാളം തനതുലിപി അക്ഷരസഞ്ചയം പ്രകാശനം ചെയ്തു.
നാഴികക്കല്ലുകള്‍
- ഗൂഗിള്‍ സമ്മര്‍ ഓഫ് കോഡ് മെന്റര്‍ സമ്മിറ്റ് പരിപാടിയില്‍ ഇന്ത്യയില്‍ നിന്നുള്ള ഏക പ്രതിനിധിയായി പ്രവീണ്‍ പങ്കടുത്തു.
- സോഫ്റ്റ്‌വെയര്‍ ചരിത്രത്തിലാദ്യമായി കെ.ഡി.ഇ 4.0 യുടെ പ്രസാധനക്കുറിപ്പ്
മലയാളത്തിലിറക്കിക്കൊണ്ടു് കെ.ഡി.ഇ മലയാളം ടീം ചരിത്രം കുറിച്ചു.
- ധ്വനി, ടക്സ് ടൈപ്പ് എന്നീ സംരംഭങ്ങള്‍ 2008 ലെ ഫോസ്സ് ഇന്ത്യ അവാര്‍ഡിനു് അര്‍ഹമായി.
- സ്വനലേഖ സ്വനലേഖ എന്ന നിവേശകരീതി സ്കിം ഔദ്യോഗിക പാക്കേജിലേക്ക് ചേര്‍ക്കപ്പെട്ടു..
- ഗ്നോം 2.22 പതിപ്പില്‍ മലയാളം ഔദ്യോഗിക പിന്തുണയുള്ള ഭാഷയായി അംഗീകരിക്കപ്പെട്ടു..
- കെ.ഡി.ഇ 4.1 ല്‍ മലയാളം ഔദ്യോഗിക പിന്തുണയുള്ള ഭാഷയായി ചേര്‍ക്കപ്പെട്ടു. പ്രസാധനക്കുറിപ്പും മലയാളത്തിലിറക്കി .
സ്വതന്ത്ര മലയാളം കമ്പ്യൂട്ടിങ്ങ്
ശുഭം
This presentation is available at http://smc.nongnu.org/docs/smc-presentation/smc.html
© Copyright 2008: All rights reserved. Swathanthra Malayalam Computing http://smc.org.in
This presentation is licensed under GNU Free Documentation License
