Que es le CVS?
Perque acceder al CVS?
Como obtener accesso al CVS?
Pote io modificar le contento del CVS?
Que es le CVS?
CVS es le acronymo de “Concurrent Versioning System” (litteralmente, “Systema de versionamento concurrente”); iste systema da le possibilitate a plure contributores de laborar super le mesme archivo, resolvente le possibile “collisiones” que accide normalmente in iste situationes. Le CVS memorisa le modificationes apportate pro cata individuo, e permitte de acceptar los (si illos es correcte) o de reverter los (si incorrecte); il es possibile interrogar le systema pro obtener le archivo assi como illo esseva in un certe data. Per exemplo, si on realisa que in le ultime mense il ha habite un modification incorrecte, il es possibile reverter le systema al situation de un mense retro, e reinitiar a laborar super illo.
Perque acceder al CVS?
Le CVS mantene le version plus actualisate del files del projecto; cata modification que veni approbate, es immediatemente disponibile in le CVS. Les qui desidera haber le version le plus recente del effortio del projecto pote periodicamente discargar le CVS in lor computator personal (iste operation es assatis rapide).
Como obtener accesso al CVS?
Pro discargar le archivo CVS on necessita un programma apposite. Pro les qui usa Windows, io consilia TortoiseCVS: post haber discargate e installate iste programma (isto necessitara restartar le computator), crea un directori ubi tu desidera tener tu copia local del archivo CVS (per exemplo: “projecto”, e entra in illo. Post, utilisa le menu contextual (que appare quando on pressa le button dextere del mouse) pro seliger le operation “CVS Checkout”.
|
|
|
In le finestra que apparera, titulate “TortoiseCVS – Checkout Module”, compila le campos como illustrate in le figura. Post le pression del button “OK”, initiara le procedura de discargamento del archivo CVS in tu computator.
Pote io modificar le contento del CVS?
Tu pote liberemente modificar tu version local del CVS, ma pro modificar le CVS directemente in le sito tu debe devenir un membro del projecto e demandar al curator del projecto (actualmente Mardy, mardy@despammed.com) como obtener le accesso. Totevia, haber accesso directe in scriptura non es indispensabile: tu pote signalar al lista electronic qual es tu modificationes e, si illos essera approbate, illos essera ponite in le archivo.